जीएसआयडीसींत कार्यरत

श्री. दिलीप एस. जोशी
सरवेवस्थापक (नागरी)
2006 सावन जीएसआयडीसी वांगडा काम करता

जीएसआयडीसींत काम करपाची संद म्हाका मेळ्ळी तेन्ना म्हज्या खातीर तो सुखद धक्कोच आशिल्लो, जातूंत स्टार्ट-अप आनी परिपक्व सुवेवस्था हांचो मेळ दिसून येता. सरकारी संस्थेतलो हो दुर्मिळ संगम ताका अत्याधुनीक आनी उच्च दर्जाचो करता, जाका लागून ते विशेशता गोंयच्या आनी व्यापक स्तराचेर देशांतल्या साधनसुविधा प्रदात्यांच्या बरोबरीन चलपी एक चपळ संस्था जाता. जीएसआयडीसींत 13 वर्सां (2006 त रुजू) कशी गेली म्हाका कळूकच ना.
म्हाका खात्री आसा की, अशी हेर खंयचीच संस्था ना जंय एकाद्र्याक साधनसुविधा आनी ताचे अतिरिक्त वेगवेगळ्या गजालींची माहिती आनी अणभव मेळूंक शकतले. शिकपी लोकां खातीर, जीएसआयडीसींत खूब किदें शिकपा सारखे आसा कारण वेळे नुसार तुमकां खूब नवीन आव्हानांक आनी समस्यांक तोंड दिवपाची संद मेळटा. निर्धारीत वेळार दर्जेदार काम करपाचो ताण आनी ते साध्य जाल्या उपरांत मेळपी समाधान हीच म्हजी व्हड प्राप्ती आसा.
हय, प्रस्ताव, संवाद, सादरीकरण, बसका, कार्यक्षेत्रां आनी उद्घाटन समारंभ ह्या उपक्रमांचें हें एक केंद्र आसा. सगळे बरे तरेन सुरळीत चलपी एखाद्या यंत्रा प्रमाणें सगळे बरे तरेन चलता. म्हाका परत एकदा खात्री जाता की म्हजी संस्था सतत अग्रेसर आसतली आनी राज्याक उत्तम सेवा दिवन सगळ्या मदी आकर्शण केंद्र थारतली.

श्री. लक्ष्मण आमोणकार
वेवस्थापक (आयटी)
2002 सावन जीएसआयडीसी वांगडा काम करता

2002 वर्सा जीएसआयडीसींत नोकरी स्विकारप हो म्हज्या कारकिर्दींतलो आतां मेरेनचो सगळ्यांत बरो निर्णय जावन आसा. हांवें हें पद स्विकारपाचें एक मुखेल कारण म्हणल्यार जीएसआयडीसी ही सरकारी कम्पनी आसून लेगीत काम करपाक एक बरी सुवात आसा आनी हांगा खाजगी कम्पन्यां सरकीच एक बरी कार्यसंस्कृती आसा. हांवे कम्पनीक दिल्ल्या विशेश अणभवां खातीर एक व्यक्ती आनी एक कर्मचारी म्हूण मुल्यवान आसा हे समजल्या उपरांत म्हाका खोस भोगली.
कम्पनीच्या यशांत खास करून राज्या खातीर दर्जेदार साधन सुविधांच्या विकासांत हांव वैयक्तीक रितीन योगदान दिता, जाका लागून गोंयच्या लोकांच्या जिवनाचो दर्जो उंचावला हें जाणून म्हाका खोस भोगता. सहकार्यात्मक निर्णय कशें घेतात आनी प्रकल्प पुराय जावपाक म्हजेंय मत घेतात, हे आयकून म्हाका चड खोस जाता. ते खातीर म्हाका मालकीची भावना प्राप्त जाता आनी ते खातीर म्हजो कामाचो दीस अदीक आनंददायक आनी आव्हानात्मक सरता. वरिश्ठांनी सदांच म्हजेर विस्वास दाखयला आनी म्हाका दिसता की म्हजे सर्वोत्तम दिवन तो विस्वास सार्थ केलो. हांव बुद्धिमान आनी उत्साही पंगडां वांगडा काम करता हें नमूद करतना म्हाका खोस जाता.

श्रीमती. किर्ती भट
उप-वेवस्थापक (वित्त)
जुलय 2004 सावन जीएसआयडीसी वांगडा काम करता

गोंय राज्य साधनसुविधा उदरगत म्हामंडळ मर्यादीत हातूंत रुजू जावप हो म्हज्या कारकिर्दींतलो एक बरो निर्णय आशिल्लो. हे संस्थे खातीर उप-वेवस्थापक (वित्त) म्हूण काम करप हो म्हजे खातीर आनंदाचो अणभव आसा. म्हाका हें जाणून घेवपाक आवडटा की हांव एक व्यक्तीच्या रुपान आनी कम्पनीच्या कर्मचार्‍याच्या रुपान मुल्यवान आसा. एक व्यक्ती म्हूण आनी कंपनीचो एक कर्मचारी म्हूण हांव मुल्यवान आसा, हें जाणून खूब बरें दिसता. कम्पनीच्या यशांत हांव वैयक्तीक रितीन योगदान दित आसा हाचो म्हाका अभिमान दिसता. जीएसआयडीसींत काम करपी दरेक वेगवेगळ्या व्यक्तीं कडेन संवाद सादप म्हाका आवडटा. म्हजे काम आनंददायी आसा, आव्हानात्मक आसा, आनी हांव बुद्धिमान आनी उत्साही व्यक्तींच्या पंगडा वांगडा काम करता.

श्री. हेन्झील कार्दोझ
सहाय्यक वेवस्थापक (नागरी)
2008 सावन जीएसआयडीसी वांगडा काम करता

ह्या प्रतिश्ठीत कार्यालयांत जून 2008 त म्हज्या वर्गांतल्या तीन सहकार्‍यां वांगडा एक प्रशिक्षणार्थी म्हूण रुजू जावपाची संद म्हाका मेळ्ळी. सुमार शंभर कोटी रुपयांच्या किंमतीच्या भव्य प्रकल्पा कडेन जुळपाचे भाग्य आमका रोखडेंच मेळ्ळें. ह्या भौशीक प्रकल्पांक लागून वेगवेगळे कंत्राटदार, सल्लागार, क्लायण्ट खातें हांचे कडेन म्हजे संबंध वोडोवपाक आनी म्हज्या वरिश्ठांच्या मार्गदर्शना खाला तांका आज्ञाधारकपणान हाताळपाक म्हाका मजत जाली. हांगा 7 वर्सांच्या काळांत मेळिल्ल्या मुल्यवान अणभवाक लागून हांव एक मेहनती, अदीक परिपक्व आनी जबाबदार व्यक्ती जाला. ह्या गुणांक लागून, हाताळपी कामा प्रमाणें, येवपी खंयच्याय परिस्थिती कडेन पळोवपाचो सकारात्मक दृश्टीकोन विकसीत करपाक म्हाका मजत जाला. म्हज्या जिविताच्या भावी वाटचालींत अन्यत्र हो अणभव हांव कायम जपतलो.

श्री. विस्सा वंकट ईश्वर नायडू
सहाय्यक वेवस्थापक (नागरी)
जून 2014 सावन जीएसआयडीसी वांगडा काम करता

महाविद्यालयांत प्रशिक्षण घेतना, जीएसआयडीसीन हातांत घेतिल्ल्या प्रकल्पा खातीर, हांव सल्लागार प्रतिनिधी म्हूण काम करतना, म्हाका ह्या संस्थे विशीं समजले. तेन्ना सावन, जीएसआयडीसी सारख्या कार्यालयीन वातावरणांत काम करताना कशें दिसतले, हाचो अणभव म्हाका सदांच घेवपाचो आशिल्लो. कम्पस मुलाखती वरवीं जीएसआयडीसींत रुजू जावपाची संद म्हाका मेळ्ळी. हांव, संस्थेच्या वेगवेगळ्या विभागांतल्या विस्तृत कर्मचारी वर्गा वांगडा आनी फकत गोंयच्याच न्हय तर गोंया भायल्या कंत्राटदारां वांगडा आनी सल्लागारां वांगडा काम करत आशिल्ल्यान म्हजे संवाद आनी नेटवर्किंग कुशळटाय लेगीत विकसीत जाली. ते खातीर प्रकल्प हाताळटना म्हाका वेगवेगळ्या सरकारी खात्यां कडेन संवाद करपाक मेळ्ळो. एकंदरीत हांगाचे वातावरण बरे आसा; देरक लोक तुमच्या विचारांक म्हत्त्व दितात आनी वरिश्ठा कडल्यान बरे गिन्यान प्राप्त करूंक मेळटा.